பக்கத்துக்கு வீடுகளை விட உயரமாய்
மேல் தளத்தில்
ஆஸ்பெஸ்டாஸ் ஓடு வேய்ந்த கம்பீரத்துடன்
மழை காலங்களில்
பின்புறம் சேறும் சகதியும் கொண்ட
செந்நீர் ஓடும் வாய்க்காலுமாய்
கரையைத் தொட்டுக்கொண்டு
வேப்பமரமும், கொடுக்காயப்புளி
முருங்கயுமாய்
முக்கிய சாலைக்கு அருகிலேயே
முன்புறம் விசாலமான
காலியிடமும்
நாலு நண்பர்களுடன்
சாவகாசமாய் அமர்ந்து
இலக்கியம் பேச திண்ணையுமாய்
சௌகரியமாய்தான் இருக்கிறது
குடித்தால் மட்டுமே வந்து
ரகளை செய்யும்
வீட்டுக்காரனின்
சொந்த வீடு.
கருத்துகள் இல்லை:
கருத்துரையிடுக